صناعة الصابون
لازم نعرف ان النسب والمكونات بتتوقف على نوع الزيت وحاجة اسمها رقم التصبن وهوا مقدار هيدر وكسيد الصوديم بالنسبة للزيت
والنسب هى
1-100جرام زيت نخيل
2-47جرام ماء
3-19جرام هيدروكسيد الصوديوم
4-ثانى اكسيد التيتانيوم لاعطاء اللون الابيض للصابون وهى مادة تعطى اللون الابيض للدهانات ايضا ويقال عليها اكسيد تيتانيوم غذائى فهى غير ضارة
فية اضافات تانية كتيرررر
1-عطر حوالى 5جرام(والعطر دة انا جربت فية عطور المنظفات بس للامانة مش متاكد اذا كان المقصود عطور المنظفات ولا العطور العادية الى بنستخدمها بس ادت نتيجة هايلة
والجرام ب3قروش للجملة)
2-مانع تعفن ويطلق علية رباعى صوديمedta
3-مادة حافظة مش متذكر اسمه للاسف
فية مواد تانية صعب ان انتا تلاقيها الا عند الشركات الكبيرة مثل
1-مادة ليناللول وهو كحول عطرى يستخدم لزيادة الرائحة
2-تربينول ويعطى لمعة واشراق للصابونة وللاسف مش هتلاقية
ملاحظة
من الممكن اضافة اكتر من نوع زيت لاكن بنسب وذللك لزيادة الرغوة ولاكن يستحب اضافة الدهن
ويضاف حوالى 10جرام دهن ل90جرام زيت حتى يتم اكمال ال100جرام
بس انا بقا اكتشفت اكتشاف تانى جبت 10جرام سمن نباتى زى جنة والنخلتين والحاجات دى
لانى عارف انها متكونة من زيت النخيل لاكن عليها اضافات محتاجها مثل موانع التزنخ والاكسدة
المهم لو هتستخدم الدهن لازم تسخن الزيت الاول 90جرام وبعد كدة تذيب الدهن فية ولو فضل بواقى للدهن صفيها وتحط الزيت مع الدهن السايح فى اناء زجاجى او برطمان مربى
الخطوات
1-عمل محلول هير وكسيد الصوديوم وذللك باضافة 19جرام هيدر وكسيد الى 47 جرام ماء
وانا بقول 19جرام عشان رقم التصبن بتاع زيت النخيل حوالى 18.8 جرام لكل 100جرام زيت
ويترك المحلول لمدة حوالى 12 ساعة مش عارف لية بس بيجيب نتيجة كويسة
نسيت اقول حاجة بلاش مية الحنفية عشان خلتنى اسبوعين الف حوالين نفسى لان بيتكون على سطح الصابون مادة كربونات الصوديم عملة زى البودرة البيضة ويستخدم ماء مقطر ذى بتاع بطارية العربية
2-بعد ما سخنا الزيت وعلى فكرة زيت النخيل لما هتجيبة هيجمد معاك لما تسيبة فى الهوا وياريت ماتحطش من ازايز الزيت الة بتتباع فى السور ماركت لان عليها زيت صويا كتير مش هيعمل تصبن
وكل ما كان الزيت ردىء للاسف النتيجة هتكون احسن فممكن تشترى زيت نخيل بيتباع سايب فى المحلات الى بتبيع الزيت للمطاعم
3-يتم اضافة 1 جرام ثانى اكسيد التيتانيون الى قليل من الزيت حوالة 5 جرام عشان نعمل اللون والخمسة جرام من ال100جرام يعنى مانجبش زيت زيادة ونقعد ندوب التيتانيومبصبعنا فى كوب زجاجى لحد مانلاقى الزيت لونة بقا ابيض وبع كدة نحط باقى الزيت ونقلب الخليط كلة وممك نزود ثانى اكيد التيتانيوم لحد الزيت كلة مايبيض
بعد ذلك يضاف محلول هيدروكسيد الصوديم الى الزيت الدافىء درجة حرارة الجسم مثلا
3-يتم التقليب بمعلقة خشب او استانلس وممنوع استخدام اى حاجة الومنيوم لانها بتتفاعل مع الهيدروكسيد يتم التقليب لمدة حوالى20الى40دقيقة لحد الخليط ما يتماسك ويبقى عامل زىالكريمة
4- يتم وضع 5جرام عطر على الخليط بعد15 دقيقة او عند بداية التماسك للخليط ويستمر التقليب بعدها حوالى من 5الى عشر دقائق وبعد ذللك يصب الخليط فى قوالب اما خشب او زجاج او استانلس ويكون القالب مدهون زيت برافين لمنع الالتصاق ويغطى الخليط ويوضع فى مكان دافىء وبعد ذللك يترك 24ساعة ويتم اخراج قالب الصابون وتركة فى مكان مفتوح غير معرض للاتربة ويترك اسبوعين حتى ينتهى تاثير الهيدروكسيد الضار بالبشرة
ملاحظة من الممكن وضع محلول سكرى مثل الجلوكوز او سكر مذاب فى الماء لاعطاء الصابون طعم مقبول بالفم عشان مايبقاش عامل زى صابونة الغسيل بتاعة الملابس القديمة للى يعرفوها (الميزان)
القالب
ودة جننى عشان تعمل قالب استانلس هتروح لحد متخصص فى صناعة القوالب واقل قالب بدون امكانيات لتركيبة على مكبس ب700جنية يعملك الشكل الى انتا عايزة لاكن لو هتروح لحد متخصص فةى صناعة قوالب الصابون هيقولك القالب ب2000الى4000جنية وانا اتصدمت ودى بداية الصدمة دة للى عايز يصنع للبيع والتوزيع وهيبتدى على قدة هيجيب مكبس هيدروليكى ويركب علية القالب
ومعاة صبر ايوب لان لانة هيشتغل قطعة قطعة
عموما ممكن تكون دى بداية ارجو من الله ان تكون مفيدة ليكم تكملو عليها وتوصلو وياريت ماحدش يياس زييى والى معاة فلوسيكمل ويخلية حلم لية ويقرا ويدور ويتعب عشان يعمل صناعة لكل مسلم او عربى
والسلام عليكم ورحمة اللة
الجمعة 24 ديسمبر 2021 - 11:46 من طرف وائل
