روائع القصائد والابيات للشاعرة البحرينية " منيرة سبت "

عدد المساهمات : 157 تاريخ التسجيل : 16/01/2011

روائع القصائد والابيات للشاعرة البحرينية " منيرة سبت "

قصيدة ظلام

كيف يرى الأعمى الحب حين ينبض به قلبه،، اليكم أحبتي هذا النص..

ظلام

ودي أكتب لك كلام ..
عن غلا
في القلب ساكن..
شي يسموه " الغرام"

…. ظلام
ما اشوف الا الحنين..
يسحب احلامي واروح
واتبعه كل السنين،،
فيه نزفات الانين،،
وما اعرف
وش هي ألوان الجروح!!

وش هو لون
المحبه لا طغت
كل أركان الخفوق!!،،،
وش هو لون
المودة لا طفت!!..
وش هو لون...
الغلا بأول شروق!!،،،

بس أذوق،،
الوله وقت البعاد،،
بش أشم
المطر وقت البراد،،،
بس أحس ..
ان في نفسي
كلام ،،،
عن غلا في القلب ساكن
شي يسموه الغرام،،،

يمكن اني ما أشوف
بس اشوف الدنيا فيك...
وكل ما تغفي عيوني....
مثل صبحي
أحتريك.....

ومهما في عيني ظلام...
تبقي باين لي
ضوي
ياللي لجروحي
دوى..

ويبقى في قلبي كلام
عن غلا في القلب ساكن
شي يسموه

"الغرام"..

قصيدة صعبة
صعبة

شوفك على شوقك..

بشوفك
أنا أتعب..
وجمري بدى
شبه..

ومن ما حصل شوفك
يلعب بي الجفا
لعبه..

صعبه...

لحظة تمدك إيديك
أمد لك قلبي..
وأبقى ما بين وبين
بعادك وقربي..
وأدور
أنفاسك
وأتحرى لو "هبّة"

وتخنقني
طيوفك

ويااااااا هي على

" صعبة"

قصيدة غيب
غيب..

واترك
على قلبي طبيب..
يمكن يداويني
وأطيب..

غيب..
وإرسم على خدي
ونين..
بلون دمعات الحنين..
مره بياض..
مثل النقا..
مثل الغيوم
شفاف..
يروي به
رياض..

ومره سواد..
مثل السهر
اللي حكى
ليل البعاد..

وانته تغيب..
كل شي
من حولي يغيب..
إلا الحكي..
لا ما يغيب
يقعد يسولف
للورق..
حتى القلم..
نشف له ريقه
والحبر..
مثل العرق.
من التعب
صابت سواليفه
أرق..

مهما تغيب..
يبقى ضوى روحك
سكون..

والصمت في غيابك
جنون..

ودمع العيون..

كله على الصفحة
يسيل..
والإبتسام..
صاير علي شفاتي ..
ثقيل..

وإن ما تغيب..
كل الزهور..
تستنشق أنفاسك
شذى..
وتزفره من طيبك..
عطور..
وكل الشعور..
في حضورك اللي
لو بقى..
نساني..نفسي
والحضور..

وإن ما حصل ..
تبقى قريب..!
وودك عن العالم تغيب!

غيب..

وإترك على قلبي
طبيب..
يمكن يداويني
وأطيب..

قصيدة وش هي علومة؟

على طاري هذاك الشوق.. قلّي وش هي علومه
كبر وإلا مثل ما هو على حطة دفا يدينك

من أول ما توادعنا خفوقي زادت همومه
من أول بدا ليل الموادع في دجى عينك

ياليت الوقت بي يرجع ولا يعوّد إلى يومه
يناديني حنين الأمس يردد صوت تلحينك

تعال ولوّن شعوري وزخرف لوحة حلومه
خطاوي الحب رمادية يا عمري دون تلوينك

ترى ضيم العشق يشقي يهد الحيل وعزومه
يا خوفي بس يا خوفي تطوّل غربة سنينك

غديت من الوله دمعة تطيح وعيني مهزومة
غزاها هالسهر والشوق عدى حد توطينك

وصل في داخل أعماقك يصحي عروق مغرومة
يا غالي ارجع ورجّع حياتي الله لا يهينك

تظن اقدر ترى ماأقدر وخذها مني معلومة
ترى راحة خفوقي لما يبقى بين كفينك

يا حلو القرب في قربك ..ياشين البعد وسمومه
بقل لك شي يا عمري وخله بيني وبينك

أحبك كثر ما ينزف غيابك شدة سهومة
وأحبك كثر ما غنت طيورك وقت تشرينك

يتيمة يالغلا دونك وأنا من جد محرومة
تخيّل كل مافيني سألني عنك ووينك

بسألك عن هذاك الشوق..قلّي وش هي علومه
كبر وإلا مثل ما هو على حطة دفا يدينك

قصيدة كفاية

كفاية زعلنا طوّل حبيبي حنّ لي شوي
تراني من بعد زعلك أنا دنياي مابيها
تراها دنيتي ظلمة بدونك لا سنا لاضيّ
بدونك منهو يا عمري حياتي منهو يضويها
حبيبي كلما تطري أحس قلبي يصيبه شي
وأشوف طيوفك بعيني تجيني قبل ما أطريها
حياتي كلها لجلك وحبك يا الغلا لي فيّ
وروحي بالرضا جاتك لأنك أنت غاليها
كفاية يا بعد عمري كواني هالمفارق كي
جروحي زادت بقلبي وقربك بس يشفيها
كأني روضةً عطشى وحبك نبعها والري
زهرها جفت أوراقه متى ترجع وترويها
تعال نعيد ذكرانا ونطوي هالمفارق طي
تعال نجدد الذرى بأسم الحب نحييها
كفاية يا بعد قلبي طلبتك حنّ لي شوي
تراني عفت هالدنيا لأنك انت مو فيها

قصيدة ياتصيب يا تخيب

أنت سالي وآنه عنّك ماسليت
ماسليت إلا بذكرك يا الحبيب

والله أني هالمفارق ما قويت
مايغيب الحب لو عني تغيب

ما كواني غير شوقي وانكويت
بين نيران الوله ويا اللهيب

صار قلبي ميتٍ لو مادريت
من سبايب شوقٍ بقلبي صويب

كم مرة جيت لك وكم عنيت
كم لقيت الحب عندك شي غريب

كلما قربت منك ورجيت
ألقى نفسي غارقة وسط المغيب

ما تهمك لوعتي مهما بكيت
مهما أصرخ بالألم وأبكي نحيب

قاسيٍ قلبك ولا مثلك لقيت
والطفل من قسوتك راسه يشيب

وش علامك تهدم اللي لك بنيت
حب صادق لا يذل ولا يعيب

قلّي كم مرة على بحري رسيت
يوم تغرق تلقى قلبي لك قريب

قلّي منهو سامعك لما شكيت
غير روحي لجل همك تستجيب

قلّي وش هو اللي حصدته وجنيت
غير جرح ٍ بالهوى ماله طبيب

إرفق بحالي تراني إنتهيت
يا تصيب المرة هذي يا تخيب

» تنسيق القصائد بالوورد
» روائع الفلل
» من روائع اشعار احمد مطر
» من روائع اشعار أحمد فؤاد نجم
» روائع أشعار الاماراتية نهي نبيل