إعتني بجمالك

عدد المساهمات : 108 تاريخ التسجيل : 20/01/2011

بسم الله الرحمن الرحيم

كيف تعالجي الركب والاكواع الغامقة؟؟

هذه مشكلة يعاني منها الكثييير بالارادة والاستمرار تقدري تحصلي على ركب ناعمة وبيضاء

وحدة امريكية تقول : اول شيء سوي سكراب من زيت الزيتون وسكر

على الركب خفيف مو تقطعي جلدك عشان تتخلصي من الخلايا

الميتة .

ثاني خطوة رطبي المنطقة إما بزبدة الشيا او زبدة الكاكاو => طبعا هي استخدمت زبدة الكاكاو من فازلين

وبعد فترة دهني زيت الخردل يحتوي على فيتامين أ ، ب ، هـ وتقول

انه مفيد لإعادة اللون الطبيعي للون بشرة الركب واتركيه من 5 لـ 10

دقايق واغسليه بماء دافيء واعمليها يومياً ولاحظي السكراب يكون

مرتين بالاسبوع فقط عشان ماتخدشي البشرة

الخطوة الثالثة عصير الليمون يحتوي على مضادات الاكسدة ومقشر

طبيعي ومفتح للبشرة مجرد حطي عصير الليمون على الركبة

ولا تغسليه خليه بالبشرة اما الخطوة الرابعة نستخدم زيت جوز الهند ،

خذي ملعقة منه واعصري نصف ليمونة عليه واخلطيهم واستعمليها

زي الكريم على الركب <<< ملاحظة زيت جوز الهند تبعها لزج زي

الصبار ولما خلطته مع الليمون صار كإنه كريم . الكريم الي صنعناه

مقشر طبيعي لاحتوائه على الليمون ومرطب لاحتواءه على زيت جوز

الهند والخطوة الاخيرة رطبي البشرة بفازلين زبدة الكاكاو مرة ثانية

واخيرا حطي واقي عليها عشان الركب تتقشر لاتعرضيها للشمس

بصراحة احسها شغلانة طويلة عريضة هههههههههه بس اكيد تدي نتيجة ان شاء الله لان فيها ترطيب

قناع العنب من صينية :

جيبي عدد من العنبات واطحنيها لين تصير عصير وحطيها على بشرتك .. ماجربتها بصراحة

اصنعي مرطب لشفايفك ومغذي بنفس الوقت :

نحتاج خيارة + ملعقة صغيرة عسل + جل الصبار الطبيعي

حطي ملعقة من كل عصير

طبعا الخيارة تقشريها من برا والجزء الي هو الاخضر الفاتح (اللب )هو

الي تبشريه وتطلعي العصير منها وتحطيه بعلبة وعليه ملعقة عسل

وملعقة جل الصبار اتمنى فهمتو عليا ورطبي شفايفك منها دايما

هذا الشيء دحين انتم ابغاكم تفهمووني يقولو :

كيف تختاري الالوان المناسبة لبشرتك ؟

شوفي معصم يدك اذا العروق زرقاء معناها انتي warm tone حتى

ماني عارفة يعني ايش قصدهم بالضبط اما اذا العروق اخضر زيتي معناها انتي cool tone

ترجم يامترجم هههههههههه يعني مثلا تقول محتارة تحطي لون

فاونديشن يتناسب مع بشرتك شوفي معصم يدك وسوي سواتش

لكريمات الاساس الي يتناسب مع لون عروقك اختاريه ، مو مرة

بصراحة فهمت بس قلت اكتبه يمكن وحدة تفهمنا..

عصير الخضروات مفيد جدا للصحة والبشرة :

لاحظت عليهم الكوريين والاسيوين بالذات يابنات يوميا لاحظو يسوو

عصير خضروات وحدة تقول انا مستحيل استغني عن عصير الطماطم

ماشاء الله على بشرتها ، يمكن قلت هذا الشيء بس حبيت اأكد

عليكم البشرة النضرة تجي من الصحة فعلا ولا اي كريم بالعالم

حيخلي البشرة نضرة الا بالاكل الصحي اول .. انا احاول للآن اتكيف مع المشروبات .

عصير الطماطم غنية جدا بمضادات الاكسدة

عصير البقدونس بس جربوه 3 ايام وتعالو بشرووو كيف صارت بشرتكم

وترى يغسل الكلى اما الطماطم تورد البشرة

عصير الليمون على الريق يطرد السموم ويحافظ على وزنك مهما اكلتي معلومة قالتها ليا صحبتي

الحمد لله شراب العسل حلووو وصرت اشربه كتير ، بنات ايش احسن انواع العسل للآن ادور احسن نوع؟؟

وكمان المشروبات العشبية يانسون - كركديه - شاي اخضر الخ

البابوونج : يفتت حصا المرارة .

اليانسون : مهديء للاعصاب .

الشاي الاخضر : ينحف وغني بمضادات الاكسدة

شوكولاتة مشروب والان استخدميها كبودرة مكياج :
ضعي بودرة الشوكولاته العادية في علبة جميلة واستعمليها بفرشاة

المكياج على بشرتك تعطيكي لون برونزي جميل

ماذا تخبرك حبوب بشرتك تعرفي على هذه المعلومات من صينية :

بشرتك تعكس صحتك .. جملة قالتها وفعلا صحيحة 100%

مثال : بشرة وجهك مقسمة لأجزاء الجبهة - الذقن - الانف - الخدود - منطقة العيون

اولا الجبهة : اذا تعرضتي لحبوب بهذه المنطقة بكثرة هذا يعني ان

لديكِ سموم بجسمك وسوء هضم + قلة شرب الماء

هذا يعني ان يجب عليكي اكل الكثير من الخضروات والفواكه والماء

تنصحكم بشرب عصير الليمون والشاي الاخضر للتخلص من سوء

الهضم يجب شرب الماء بكثرة للتخلص من سموم الجسم

لماذا تسوء الجبهة وتكثر بها الحبوب ؟؟

ممكن بسبب ارتداء قبعة متسخة او اذا كانت يدك متسخة ومسكتي جبهتك (تحصل كثير لما نعدل شعورنا او القصة)

او المنتجات الي استخدمتيها لشعرك ووصلت لجبهتك

ثاني منطقة : مابين الحواجب

الخراب في هذه المنطقة يكون على هيئة: اما بثوور أو احمرار

اسباب الخراب : المنطقة متصلة بالكبد مباشرة ويحصل الخراب اذا

اكلتي متأخر بالليل خصوصا الجبن والحل نظفي اوقات اكلك

المنطقة التالية :الخدوود

الاسباب : اذا مسكتي خدودك ويدك متسخة ، معروف ان البكتريا

والجراثيم تتواجد باليد عشان كدا المفروض تتعقم احيانا او نغسلها

بالصابون قبل ما تمسكي وجهك او ممكن اذا الجوال متسخ وطولتي بالمكالمات البكتريا تتنقل لخدودك

مو شرط هذه الاسباب فقط ممكن اي سبب ثاني يخرب لك البشرة

المنطقة التالية : الاذنين

ويحصل الخراب فيها بسبب عدم شرب كميات كافية من الماء او

بسبب شرب كميات كبيرة من الكافين او ملح كثير

وللوقاية من ظهور اي بثور :

شرب كميات كبيرة من الماء والابتعاد عن الكافيين والملح الكثير

المنطقة الاخيرة : الدقن

ومعروف ان بسبب الهرمونات لدى النساء خصوصا بفترة الدورة الشهرية تطلع حبوب مزعجة فيها اما لو طلعت بغير وقتها ، يكون السبب عدم النوم الكافي

واخيرا منطقة الهالات السوداء : تشتكي البنات من الهالات ووحدة

تقول رغم انها تحط الكريمات وتهتم لكن الهالات كما هي ماتروح

قالت لها : ان السبب الاكبر لتكون الهالات السوداء هو نقص الحديد

اول شيء نعالج نقص الحديد ثم ننام بدري ونبدأ نعالجها .

وهنا 5 طرق لتفادي ظهور البثور من امريكية :

ببساطة تشرح سبب ظهور البثور هو تراكم الاوساخ على المسامات تسبب انسداد لها وبالتالي تتكون البثرة

عشان كدا لازم نستخدم غسول للبشرة + يجب ازالة المكياج قبل النوم

أو تتكون بسبب الهرمونات وهذا شيء مانقدر نتحكم فيه او الجينات مسبب اخر ..

وهذه 5 نقاط عشان تتخلصي من المشكلة بإذن الله :

1- غسلي وجهك بالصباح بغسول مناسب لبشرتك للتخلص من الاوساخ او الغبار الخ

2- ابتعدي عن المقليات والزيوت والشوكولاتة .

3-نظفي جوالك واتأكدي دايما انه نظيف ، بعض البنات تجيهم حبوب من جهة وحدة مثلا من الخد اليمين فقط اتأكدي من نظافة جوالك

4-نظفي فرش المكياج قبل الاستعمال

5-لا تلمسي وجهك ابداً الا لو يدك نظيفة .

وحدة امريكية بشرتها صافية وسألوها وقالت :

انها تغسل وجههابغسول يحتوي على حمض السالسيك والطريقة

تحط نقط من الغسول على وجهها المبلل بالماء وتبدا تفرك بهذه الاداة :

اول شي تستخدم الاسفنجة الناعمة وتمسح وجهها بعدين تبدأ

تستخدم الفرشاة .. وبعدين تغسل بشرتها بس بنات تعرفو فين تنباع

هذه الالات ؟ لاني مررررررررررررة اتحمست استعملها تقول تنظف مسامات البشرة .

» اعتني بجمالك بمواد من مطبخك